ФАКТ! “Металлург” Наманганда ўтказилган 22 ўйинда “Навбаҳор”ни фақатгина бир марта мағлуб этган холос
Ads

19 май куни Суперлига 9-тури доирасида Наманганнинг “Навбаҳор” клуби ўз майдонида Бекободнинг “Металлург” жамоасини қабул қилади.

Мазкур жамоалар Суперлига (олий лига)да шу кунгача 44 маротаба ўзаро рўбарў келишган. Ўтказилган ўйинларнинг 20 тасида “лочинлар” ғалаба қозонишган бўлса, 12 та учрашувда бекободликлар зафар қучишган, 12 та баҳсда эса жамоалар дурангга имзо чекишган. Тўплар нисбатидаги устунлик "лочинлар" томонида: 65га 46.

Ўзаро ўйинларда наманганликлар 72 очко, бекободликлар эса 48 очкони қўлга киритишган. “Навбаҳор”нинг “Металлург” устидан қозонган энг йирик ғалабаси 7:0га тенг бўлса, бекободликларнинг наманганликлар устидан эришган энг йирик ғалабаси – 5:1.

Ўз ўрнида таъкидлаш жоизки, Наманганда бўлиб ўтган 22 та ўйиндан 17 тасида мезбонлар ғалаба қозонишган, 4 та баҳсда дуранг қайд этилган. Фақатгина 1 марта, яъни 2016 йили бекободликлар зафар қучишган.

Эслатиб ўтамиз, мазкур учрашув 19 куни Намангандаги “Марказий” ўйингоҳда соат 18:40да старт олади.