Фалькао собиқ жамоасига қайтди

Радамель Фалькао "Мильонариос"га жамоасига қайтди. 38 ёшли ҳужумчи ушбу клубда футболга дастлабки қадамаларини қўйган.

Колумбиялик футболчи сўнгги 3 мавсумни Испаниянинг "Райо Вальекано" жамоасида ўтказган эди. Колумбия терма жамоаси тўпурари Мадрид клуби билан шартномаси якунлангач, жамоани эркин агент мақомида тарк этди.

Маълумот учун, Радамель жорий мавсумда 26 ўйинда майдонга тушиб 4 та гол киритди ва бир марта ўз ҳисобига ассист ёздириб қўйди.