Фақатгина шу жамоага ўтаман! Уильямсга бошқа клубларнинг таклифи қизиқ эмас

"Атлетик" ва Испания терма жамоасининг ҳужучиси Нико Уильямс фақатгина икки клуб таркибида бўлишни истайди.

"Diario Sport" журналистларининг хабар беришича. 22 ёшли вингери Каталониянинг "Барселона" клубига ўтиш ёки "Атлетик"да қолишни мақсад қилган. Уильямс бошқа таклифларни кўриб чиқишни хоҳламаяпти.

Аввалроқ Никонинг хизматларига "Арсенал", "Реал" ва "Бавария" каби клубларнинг қизиқиш билдираётгани ҳақида хабарлар тарқалган эди.

Ўтган мавсумда ҳужумчи басклар жамоасининг 45 та ўйинида иштирок этди. Ярим ҳимоячи 11 та гол урди ва еттита голли узатмани амалга оширди.