Файзуллаев ЦСКАда узоқ қолмайди – Европага кетади!

Россия футбол жамоатчилиги Аббосбек Файзуллаевнинг Европа клубларига йўл олиш имкониятларини муҳокама қилишни давом эттирмоқда.

Бунга 20 ёшли футболчининг Қатардаги Осиё кубогида Ўзбекистон миллий терма жамоасининг етакчисига айлангани, жуда фаол ва самарали ўйин кўрсатаётгани, иккита ўйинда гол уриб, ғалабани таъминлагани сабаб бўлмоқда.

Sports.uz портали ўзбекистонлик футбол ишқибозлари эътиборига россиялик экспертларнинг Аббосбек Файзуллаев ҳақидаги фикр-мулоҳазаларини ҳавола этади.

Юрий Белоус, футбол эксперти:

Аббос жуда яхши ўйнаяпти ва ўз ҳаракатлари билан хурсанд қиляпти. У ҳали ёш ўйинчи. Мен унга бир-икки йил ЦСКАда қолишни маслаҳат берган бўлардим.

Ўйлашимча, Аббос ЦСКАда ҳам амалдаги шартомаси тугашини кутмасидан маошини оширтириб олса бўлади.

Шундан кейин бошқа лигаларга ўтиш вариантини кўриш мумкин. Масалан, Туркияга борса бўлади. У ерда Файзуллаев легионер ҳисобланмайди.

Александр Бубнов, собиқ футболчи:

Мроскванинг “Спартак” жамоаси Нидерландиянинг “Твенте” клубидан Манфред Угальдени олди. Бу трансфернинг катта суммага тушганини ва бу футболчига Россия футболиги мослашиш осон кечмаслигини муҳокама қилишяпти.

Россияда футбол Нидерландияга қараганда шиддатлироқ ва қаттиқроқ. Угальдени ЦСКАнинг янги ўйинчиси Аббосбек Файзуллаев билан солиштириш мумкин. Ўзбекистонда ҳам футболни Россиячалик шиддатли ўйнашмайди. Лекин Файзуллаев бизнинг футболга мослаша олди, ўз жамоасининг етакчиларидан бирига айланди.

Андрей Созин, Россия футбол иттифоқи Этика қўмитаси собиқ аъзоси:

Айни пайтда ЦСКАда чиқиш трансфери учун биринчи номзод – Аббосбек Файзуллаев. Кузда Россия Премьер-лигасида зўр ўйнагани ҳақида гапириб ўтиришнинг ҳожати йўқ.

Бу йигит ҳозир Осиё кубогида ҳақиқатан зўр ўйин кўрсатяпти. У Ўзбекистон терма жамоасини юқорига тортяпти, иккита гол урди, ёш бўлишига қарамай, терма жамоанинг етачисига айланди.

Ҳозир Аббосбек халқаро майдонда ном қозонмоқда.

Осиё кубогидаги бунақа ўйин билан Файзуллаев скаутлар эътиборини ўзига қаратмоқда ва ЦСКАда узоқ қолмайди – Европага кетади.

Эслатиб ўтамиз, Ўзбекистон миллий терма жамоаси Қатардаги Осиё кубогида муваффақиятли юришини давом эттирмоқда. Ҳамюртларимиз гуруҳ босқичидан муваффақиятли ўтганидан кейин нимчорак финалда Таиланд терма жамоаси устидан 2:1 ҳисобида зафар қучди.

Энди Сречко Катанец шогирдлари ярим финал йўлланмаси учун бўладиган беллашувда мусобақа мезбонлари – Қатар билан куч синашади. Ўйин 3 февралга белгиланган.

Аниқ чорлов бор: Файзуллаевга Европага кетиш йўлини ўргатишди!

Марказий Осиёда Элдор Шомуродов даражасидаги футболчи йўқ!

Ирисметов Россия клубларига Ўзбекистон ва Тожикистондан ўйинчи танлаб берди