Фазлиддин Ғойибназаров рақибини биринчи раунднинг ўзидаёқ нокаутга учратди

Рио Олимпиадаси чемпиони, профессионал боксда супер енгил (-63,5 кг) вазн тоифасида фаолият олиб бораётган Фазлиддин Ғоибназаров (8-7-1-0) Қозоғистоннинг Алмати шаҳрида ташкил этилаётган профессионал бокс оқшомида рингга кўтарилди. Бир неча бор ўзгаришлардан сўнг, ҳамюртимиз украиналик Владислав Баранов (13-6--5-2) га қарши 9-жангини ўтказди.

Мазкур 8 раундлик қарама-қаршиликнинг биринчи раундининг дастлабки сонияларидаёқ Фазлиддин рақибининг жигар қисмига кучли зарба берди. Мазкур зарбадан сўнг, украиналик боксчи қайта ўнгланмади. Шундай қилиб, у навбатдаги ғалабасини қўлга киритди.