Фелишнинг даҳшатли нархи АПЛ грандларини қўрқитиб юборди

Португалия терма жамоаси вакили Жоау Фелиш "Атлетико"да қолиши мумкин.

"Relevo" нашри тарқатган хабарга кўра, футболчини сотиб олмоқчи бўлган харидорларнинг бирортаси унинг учун сўралган маблағни тўлашга тайёр эмас. Мадридликлар ўз ҳужумчиси учун 130-140 миллион талаб қилмоқда.

Фелиш ва бош мураббий Диего Симеоне ўртасидаги муносабатлар у қадар яхши эмаслигига қарамай, у Испания пойтахтида қолишга мажбур бўлиши мумкин. Ижара варианти ҳам Жоауни ўз таркибига қўшиб олишни ният қилган номзодга анча қимматга тушади.

23 ёшли вингерга "Челси", "Арсенал" ҳамда "Манчестер Юнайтед"дан қизиқиш бор. 

Фикрлар

Фикр қолдириш учун авторизациядан ўтинг!