"Фенербаҳче" "Манчестер Юнайтед"дан ҳужумчи олиб келмоқчи

"Фенербаҳче" янги мавсумда чемпионлик пойгасида "Галатасарай"га жиддий қаршилик кўрсатиш учун таркибини кучайтирмоқчи. Transfer News Live хабарига кўра, Истанбул клуби таниқли футболчи, вингер Жейдон Санчо бўйича сўров юборган.

2024/2025-йилги мавсумда Санчо ижара асосида "Челси" сафида тўп сурди. Мавсум якунлангач, у "Манчестер Юнайтед"га қайтди, бироқ Рубен Аморим футболчини режаларига киритмаётгани айтилмоқда. Миш-мишларга кўра, португалиялик мутахассис клубдан Санчони сотишни сўраган.

Нуфузли Transfermarkt портали 25 ёшли Санчонинг бозор қийматини 28 миллион еврога баҳоламоқда.

Эслатиб ўтамиз, "Фенербаҳче" клубининг бош мураббийи Жозе Моуриньо ҳисобланади.