"Fenerbaxche" va "Galatasaray" Leau bo‘yicha muzokara olib bormoqda

«Fenerbaxçe» va «Galatasaray» «Milan» hamda Portugaliya terma jamoasi hujumchisi Rafaél Leauni qo‘lga kiritish bo‘yicha muzokara olib bormoqda. Sky Sport Italia nashri xabariga ko‘ra, portugaliyalik futbolchi yillik maosh sifatida 13–14 million yevro atrofidagi summani kutyapti.

Manba ma’lumoticha, 27 yoshli Leauning o‘zi avvalo faoliyatini Angliya Premier-ligasida davom ettirishni istaydi. Shu bilan birga, u boshqa variantlarni ham ko‘rib chiqishga tayyor.

Xabarga ko‘ra, «Milan» hujumchini sotish orqali 60 million yevro ishlab topishni rejalashtirgan. Shuning 50 million yevro qismi shartnoma doirasida kafolatlangan, aniq summa sifatida belgilanishi kerak. Biroq dastlabki muzokaralar «Galatasaray» bu miqdorga yaqinlasha olmasligini ko‘rsatgan.