"Фенербахче" ва "Галатасарай" Леау бўйича музокара олиб бормоқда

«Фенербахче» ва «Галатасарай» «Милан» ҳамда Португалия терма жамоаси ҳужумчиси Рафаэл Леауни қўлга киритиш бўйича музокара олиб бормоқда. Sky Sport Italia нашри хабарига кўра, португалиялик футболчи йиллик маош сифатида 13–14 миллион евро атрофидаги суммани кутаяпти.

Манба маълумотича, 27 ёшли Леаунинг ўзи аввало фаолиятини Англия Премьер-лигасида давом эттиришни истайди. Шу билан бирга, у бошқа вариантларни ҳам кўриб чиқишга тайёр.

Хабарга кўра, «Милан» ҳужумчини сотиш орқали 60 миллион евро ишлаб топишни режалаштирган. Шунинг 50 миллион евро қисми шартнома доирасида кафолатланган, аниқ сумма сифатида белгиланиши керак. Бироқ дастлабки музокаралар «Галатасарай» бу миқдорга яқинлаша олмаслигини кўрсатган.