Фермин Лопес: "Биз ҳеч кимга қарамаймиз, фақат ўз ўйинимизни яхшилашга ҳаракат қиламиз"

"Барселона" ярим ҳимоячиси Фермин Лопес жамоасини Ла Лига мусобақасининг асосий фаворити деб ҳисоблайдими деган саволга жавоб берди.

"Менга асосий фаворит деган барча баҳслар ёқмайди. Мен бошқа жамоалар билан солиштиришни ёқтирмайман. Биз ҳеч кимга қарамаймиз – фақат ўйинимизни энг яхши даражада кўрсатишга ҳаракат қиламиз. Албатта, "Реал" – биз учун асосий рақиб, лекин натижалар албатта келади, агар биз ўз даражамизда қолсак ва ҳаммасини тўғри қилишни давом эттирсак", – деди Фермин Лопес.

Маълумот ўрнида, каталонияликлар 18-турдан сўнг 46 очко тўплаб турнир жадвалида етакчи бўлиб турибди ва Мадриднинг "Реал" жамоасидан тўрт очко устунликка эга.

Эслатиб ўтамиз, "Барселона" навбатдаги учрашувини 3 январь куни "Эспаньол"га қарши ўтказади.