Фермин Лопес "Челси" қизиқишига қарамай "Барселона"да қолишни истамоқда

"Diario Sport" нашрининг хабарига кўра, "Челси" 22 ёшли ярим ҳимоячи учун 58 миллион евро таклиф қилган. Фермин эса ўз атрофига "Барселона"да қолиб, жамоанинг муҳим ўйинчисига айланиш нияти борлигини айтган. Шу билан бирга, у таклифни кўрмасдан рад этишни "масъулиятсизлик" деб ҳисобламоқда.

Лондонликлар футболчининг яқинларига уни трансфер қилиш учун барча чораларни кўришини, шу жумладан шахсий шартномани анча яхшилашга тайёр эканини билдирган.

"Барселона" бош мураббийи Лопесга ишончи борлигини айтди. Бироқ, клуб хавбек қолишни хоҳламаса, уни тўхтатмайди ва ўрнига ўринбосар қидирмайди.