"Феррари" хатоси учун жарима тўлайди

“Феррари” "Формула 1" Канада Гран-присининг иккинчи машғулоти чоғида Шарль Леклер машинасининг шиналарида хатолик туфайли  жаримага тортилди.

Жума куни "Жил Вилленеуве" трассасида иккинчи эркин амалиёт пайтида ғалати бир ҳолат юз берди, тўсатдан Леклер зудлик билан пит лейнга қайтиши кераклиги ҳақида хабар беришди. Бу Леклерни саросимага солиб қўйди ва жамоасидан машинада муаммо борми деб сўради, “Феррари” вакиллари унга ҳеч қандай муаммо йўқлигини айтди, лекин у барибир пит стоп қилиши кераклигини такрорлашди.

Шундан сўнг экранда ҳакамлар Леклернинг “Феррари”си  билан боғлиқ ҳодисани текшираётгани ҳақида хабар пайдо бўлди. Текширувга сабаб ФИА томонидан трек расман хўл деб эълон қилинишидан олдин унинг  болидига  йўмғир учун ишлатиладиган шиналар ўрнатилгани сабаб бўлди.

“Формула 1” спорт қоидаларида шундай дейилган: "Ҳар қандай эркин амалиёт пайтида ёмғир учун шиналардан фақат пойга назоратчиси трекни хўл деб эълон қилганидан кейин фойдаланиш мумкин".

Ҳакамлар регламент  бузилган деб қарор қилиб, "Феррари"га 5000  эвро миқдорида жарима солди. 

Леклер ёмғир остида бўлиб ўтган биринчи машғулотда учинчи ўринни эгаллади, иккинчи машғулот қуруқроқ бўлди ва унда монаколик пойгачи 4-ўринни эгаллади.