ФИФА: 2025 йилнинг ёзида рекорд даражадаги трансферлар амалга оширилди

2025 йилнинг ёзида аёллар ва эркаклар футболида рекорд даражадаги трансферлар амалга оширилди, дея хабар бермоқда ФИФА матбуот хизмати ташкилот расмий сайтида. Хусусан, эркаклар футболида 1 июндан 2 сентябргача бўлган даврда 12 мингга яқин, аёллар футболида эса 1100 дан ортиқ трансфер амалга оширилди.

Трансфер харажатлари 9,76 миллиард долларгача ошди - бу ёзги трансфер ойнаси тарихидаги энг юқори кўрсаткичдир. Сумма 2024 йилнинг шу даврига нисбатан 50% га ошган.

Харажатлар бўйича биринчи ўринни Англия эгаллади - 3 миллиард доллардан ортиқ. "Ливерпуль" бир трансфер ойнасида янги футболчиларни сотиб олиш учун сарфланган маблағ бўйича рекорд ўрнатди. "Қизиллар" ёзда жами 483 млн евро сарфлаган.