ФИФА Жаҳон чемпионати иштирокчилар сонини рекорд даражада оширмоқчи

ФИФА Жаҳон чемпионатини 64 та терма жамоагача кенгайтириш имкониятини кўриб чиқмоқда. Бу ҳақда Touchline нашри хабар бермоқда.

Манбага кўра, ушбу ғоя 2030 йилги мундиални рекорд даражадаги иштирокчилар сони билан ўтказиш мақсадида муҳокама қилинмоқда. Шу билан бирга, футболчиларга тушадиган юклама ортишига қарамай, ташаббус аста-секин оммалашиб бормоқда.

Маълумот учун, 2030 йилги Жаҳон чемпионати бир вақтнинг ўзида олти давлатда — Португалия, Испания, Марокаш, Аргентина, Уругвай ва Парагвайда ўтказилиши режалаштирилган. Бу турнир илк мундиалнинг 100 йиллиги муносабати билан ташкил этилмоқда.