FIFA талқинига кўра Пеп Гвардиола 2023 йилнинг энг яхши мураббийи

“Манчестер Сити” бош мураббийи Пеп Гвардиола йилнинг энг яхши мураббийи деб топилди.

Испаниялик мутахассис 2023 йилда "шаҳарликлар" билан Чемпионлар лигаси, Премьер-лига ва Англия кубогида ғолиб чиққанидан сўнг The Best совринига лойиқ кўрилди.

ФИФА мукофотига даъвогарлар учлигига, шунингдек, Лучиано Спалетти ("Наполи"/Италия терма жамоаси) ва Симоне Индзаги ("Интер") ҳам кирган.

Аргентина терма жамоаси билан ЖЧ-2022 ғолиби бўлган Лионель Скалони 2022 йилнинг энг яхши мураббийи деб топилган эди.