Жойи ўзгарган Ҳусановнинг ўйини қандай баҳоланди?
“Манчестер Сити” янги бош мураббий Энцо Мареска қўл остида илк расмий учрашувини ўтказди. Англия Суперкубоги учун ўтказилган баҳсда амалдаги чемпион “Арсенал” футболчилари “шаҳарликлар” дарвозасини жавобсиз уч бор ишғол қилди.
Баҳсдан кейин нуфузли манба – esteemedkompany.com сайти экспертлари “Манчестер Сити” футболчиларининг ҳаракатларини қуйидагича баҳолади.
Жанлуижи Доннарумма — Доннарумма учун омадсиз ўйин бўлди. У “Арсенал”нинг дастлабки икки голи урилган вазиятда яхшироқ ҳаракат қилиши керак эди. Шунингдек, у тўп билан оёқда ўйнаш бўйича анча ишлаши лозим.
Абдуқодир Ҳусанов — Кутилмаганда “Сити” ҳимоясининг ўнг қанотида пайдо бўлган Ҳусанов бу позицияга мослаша олмай, жиддий қийинчиликларга дуч келди. Бу учрашувда ушбу позиция унга яққол мос келмади. Абдуқодир ўтган мавсумнинг иккинчи қисмини тўлиқ ҳимоя марказида ўтказиб, қанотда ўйнашдан чиқиб қолганга ўхшайди.
Рубен Диаш — Диаш учрашувни тўлиқ ўтказди, аммо жамоаси каби “Арсенал”инг сифатли ҳужумлари қаршисида қийналди.
Йошко Гвардиол — Гвардиол ўтган мавсумдаги жароҳати туфайли юзага келган узоқ танаффусдан кейин ҳали тўлиқ тикланмагани яққол кўриниб турди.
Нико О'Райли — О'Райли ўзига ажратилган вақт давомида майдонда ҳаракат қилди, аммо ўйинга фаол аралашмади.
Матео Ковачич — хорватиялик ярим ҳимоячи, кўринишидан, ундан талаб қилинаётган ролга унчалик мос келмаяпти. У тўп билан яхши ҳаракат қилди, аммо тўпсиз ўйиндаги позицион жойлашувини яхшилаши керак.
Эллиот Андерсон — Андерсон майдонда бўлган вақтда, эҳтимол, “«Манчестер Сити”нинг энг яхши футболчиси бўлгандир.Лекин шуни ҳам айтиш керакки, бу мақом учун рақобат даражаси унчалик юқори эмас эди. У “Сити” тўпга эгалик қилган пайтларда яхши позицияларни танлади ва келажакда қандай футболчига айланиши мумкинлигини кўрсатувчи айрим жиҳатларни намоён қилди.
Фил Фоден — Унинг энг яхши ўйинларидан бири эмас. Фоденда гол уриш учун яхши имконият бўлди, аммо тўпга эгалик қилганда уни жуда кўп йўқотди. Бугунги ўйинга қараб, Фоден ҳали кўп жиҳатлар устида ишлаши керак.
Антуан Семеньо — Семеньонинг ўйини анча камтарона ўтди. У ўйин охиригача ўнг қанотда деярли жиддий хавф туғдира олмади.
Жереми Доку — Кўриниб турганидек, режага кўра Доку атиги 45 дақиқа ўйнаши керак эди. У “Сити”нинг икки қанот ҳужумчиси орасида фаолроқ ҳаракат қилди, аммо бу сафар ўзини яхшироқ кўрсатиши талаб этиларди.
Эрлинг Холанд — Холанднинг Англия Суперкубогидаги одатий чиқиши бўлди. Унда имкониятлар бўлди, аммо у ўзининг энг яхши ўйинини намойиш эта олмади.
Захирадан майдонга тушганлар
Жек Грилиш — Грилишни яна “Манчестер Сити»”либосида кўриш ёқимли бўлди. У тўп билан бироз ишлади ва яхши узатмалардан бирини амалга оширди.
Умар Мармуш — Майдонга тушганидан кейин у катта ғайрат билан ҳаракат қилди, аммо унга етарлича қўллаб-қувватлаш етмади.
Марк Гехи — Гехи, эҳтимол, “Сити”нинг энг хотиржам ҳаракат қилган ҳимоячиси бўлди ва “Борнмут”га қарши учрашувда асосий таркибдан жой олиши керак.
Райан Шерки — Черки захирадан майдонга тушганидан кейин “«Манчестер Сити”нинг энг хавфли ҳужумкор футболчиси бўлди. Агар “Борнмут”га қарши баҳсда у ёки Фодендан бирини танлаш керак бўлса, Шерки асосий таркибда майдонга тушиши лозим.
Рико Льюис — Льюис майдонга тушганидан кейин ҳам ўйинга тўлиқ қўшилиб кета олмади.
Нико Гонсалес — Нико ўзи ҳақида яхши таассурот қолдиришга улгурмади. Аммо агар Мареска келаси ҳафта ярим ҳимояда икки таянч ярим ҳимоячи билан ўйнашни истаса, асосий таркибда Нико Гонсалес ва Эллиот Андерсон майдонга тушиши керак.
Гол урган Шомуродов ва ассист қилган Файзуллаев неча баллга баҳоланди?
Фикрлар