Филипе Луис: Неймар фаолиятини "Барселона"да якунлашини хоҳлайман

"Атлетико" Мадриднинг собиқ ҳимоячиси Филипе Луис ПСЖдаги ҳамюрти Неймарнинг яна "Барселона"га қайтишига умид қилмоқда.

“Мен Неймар фаолиятини “Барселона”да якунлашини хоҳлайман. У бу ерда жудаям хурсанд бўлади. У Месси билан бирга ўйнаб роҳатланишини истайман. Неймар “Барселона”га қайтса, бу бутун Бразилия футболи учун яхши бўлади”, - дейди тажрибали ҳимоячи.

Эслатиб ўтамиз, Неймар “Барселона” сафида 2014-2017 йилларда тўп сурди ва шундан сўнг 222 млн евро эвазига ПСЖга кўчиб ўтди.