Флик "Алавес"дан учралган мағлубиятга изоҳ берди

"Барселона" бош мураббийи Ханс-Дитер Флик жамоанинг "Алавес"га қарши учрашувдаги мағлубиятидан (0:1) сўнг фикр билдирди.

Каталонияликлар муддатидан олдин чемпионликни ҳал қилиб бўлишган эди. Ушбу ўйин олдидан жамоа бош мураббийи 100 очко тўплаш мақсади қўйилганини айтганди, бироқ бу натижага эришишнинг имкони қолмади.

“Биз чемпионатда 100 очко тўплашни истагандик, аммо бу энди мумкин эмас. Бу футбол. Бугун мен кўплаб ижобий жиҳатларни кўрдим. Ишни давом эттирамиз ва кейинги ўйинга тайёргарлик кўрамиз”, — деди Флик матбуот анжуманида.

Маълумот учун, "кўк-анорранглилар" 36 турдан сўнг 91 очко тўплади.