Флик "Барса" юлдузи келажагига нуқта қўйди

«Барселона» бош мураббийи Ханс-Дитер Флик жамоа юлдузи Френки де Йонгга бўлган ишончини бутунлай йўқотгани хабар қилинмоқда. 

Бу ҳақда каталонияликлар фаолиятини яқин ёритиб борувчи журналист Херард Ромерога таяниб, Goal нашри ёзди.

Ромеро маълумотига кўра, Флик ва де Йонг ўртасидаги зиддият ўтган мавсумдаёқ кўзга ташланган эди. Шифокорлар рухсатидан сўнг немис мураббийи Френкини Чемпионлар лигасидаги «Атлетико»га қарши жавоб учрашувига майдонга туширишни режалаштирган. Бироқ футболчининг ўзи соғлиғи билан таваккал қилмасликни маъқул кўрган.

Мана шу қарор Фликка ёқмагани, шундан сўнг уларнинг муносабатлари кескин совуқлашгани айтилмоқда. 

Ҳозирга келиб, мураббий ва футболчи ўртасидаги алоқалар деярли бутунлай узилган, 29 ёшли де Йонг эса «Барселона»ни тарк этиш имкониятларини излаётгани хабар қилинмоқда. Айни пайтда Френки жароҳат олган ҳолда сафдан ташқари қолмоқда.