Флик: "Энди Мадридда ҳам ғалаба қозонишимиз мумкин"

"Барселона" бош мураббийи Ханс-Дитер Флик жамоасининг Чемпионлар лигаси гуруҳ босқичи 3-турида "Олимпиакос" устидан (6:1) қозонган йирик ғалабасидан кейин ўз фикрларини билдирди.

 "Олимпиакос" юқори прессинг қўллади, аммо Ферминнинг илк голи бизга ёрдам берди. Маркус Рэшфорд бугун жуда яхши ўйнади. У доимо майдонда бўлади ва унга “тўққизинчи рақам” ролини бажариш осон эмас. Лекин у имкониятлар яратди, пенальти ишлаб олди ва энг муҳими — гол урди. У мен кутган нарсанинг 100 фоизини беради. Мен ҳар доим ижобий фикрлайман. Энди Мадридда ҳам ғалаба қозонишимиз мумкин. Эҳтимол, ҳафта охирига қадар бир неча футболчи сафга қайтар. Бу йирик ғалаба бизга ишонч бағишлайди, — деди Флик УЕФА расмий сайтига берган интервюсида.

Маълумот учун, каталонияликлар навбатдаги учрашувни 26 октябрь куни Ла Лига доирасида “Реал Мадрид”га қарши ўтказади.