Флик жамоа учун қайси турнир муҳим эканлигини айтди

Ханс-Дитер Флик "Барселона" учун турнирларнинг аҳамияти ҳақида гапирди.

- Сизнингча, Чемпионлар лигаси Ла Лигадан кўра муҳимми?

- Мен учун Ла Лига - "Барселона" ғалаба қозониши мумкин бўлган энг муҳим турнир. Биз бутун мавсум давомида чемпионликка интиламиз. Якунда қандай ҳолат бўлишини кўрамиз.

Суперкубок, Испания кубоги ёки Чемпионлар лигаси ҳам биз истаган нарса. Чемпионлар лигасида ғалаба қозониш ҳаммасидан қийин. Сабаби, у ерда кучли жамоалар кўп.

Эртага биз ғалаба қозонишни ва ушбу босқичда олий ўринни эгаллашни истаймиз, - деди "Барселона" бош мураббийи.

Эслатиб ўтамиз, Каталонияликлар Чемпионлар лигаси умумий босқичининг якуний тури доирасида "Аталанта"га қарши ўйин ўтказади. Жамоа 7 та ўйинда 18 очко тўплаган ҳолда турнир жадвалининг иккинчи поғонасида бормоқда.