Флик жамоага тажрибали футболчи олиб келмоқчи

"Барселона" бош мураббийи Ханс-Дитер Флик ҳимоя чизиғини кучайтирмоқчи. Бу ҳақда Diario Sport хабар бермоқда.

Манбага кўра, германиялик мутахассис "Барселона" спорт директори Декуга мурожаат қилиб, ҳимоянинг иккала қанотида ҳам ўйнай оладиган энг яхши ҳимоячиси билан шартнома имзолашни сўраган. Таъкидланишича, Каталония клуби Фликнинг илтимосини бажариш учун қўлидан келган барча ишни қилади.

Маълумот учун, "Барселона" Ла Лиганинг 25-туридан кейин 54 очко билан турнир жадвалида пешқадамлик қилмоқда. 2 март куни Флик шогирдлари "Реал Сосьедад"ни қабул қилади.