Флик: “Жамоамда ажойиб муҳит ҳукм сурмоқда”

Хабарингиз бор, УЕФА Чемпионлар лигасе плей-офф босқичида Флик бошчилигидаги “Барселона” “Бенфика” устидан ғалаба қозониб, кейинги босқичга йўл олди. Ушбу беллашувдан сўнг жамоа бош мураббийи ўйин ва ривожланаётган клуб ҳақида гапирди. 
 
"Мен барчаси осон кечмоқда, демайман, лекин ҳар куни яхшиланиб бормоқдамиз. Бугун биз қандай ривожланишимиз мумкинлигини кўрсатдик ва айнан шуни амалга оширишни давом эттирамиз. Футболчиларга нимани тўғри бажарганимиз ва нимада хатога йўл қўйганимизни тушунтирамиз. 


 
Олдинда яна бир қийин ўйин бор – якшанба куни ("Атлетико"га қарши). Доимо кейинги ўйинга эътибор қаратиш тўғри ёндашув. Менга футболчиларнинг менталитети ёқади, бундан ташқари, улар ўз ўйинларидан завқ олишмоқда, жамоада ажойиб муҳит ҳукм сурмоқда" – деди германиялик мутахассис. 
 
Маълумот ўрнида, кўк-анорранглилар ЕЧЛнинг чорак финалида “Боруссия Дортмунд” ёки “Лилль” билан тўқнаш келади. Агарда каталонияликлар ярим финалга йўл олса, “Бавария” ёки “Интер” билан куч синашади.