Флик клубдаги муаммолардан норози

Ханс-Дитер Флик футболчиларни рўйхатдан ўтказиш бўйича муаммолардан норозилигини билдирди.

Ҳозирча "Барселона" бу мавсум оралиғида сотиб олинган Жоан Гарсия ва Маркус Рэшфорд, шунингдек, Войцех Шенсни, Жерар Мартин, Эктор Форт, Марк Берналь, Ориол Ромеу ва Руни Бардагжиларни рўйхатдан ўтказмаган.

- Вазият мени унчалик қувонтирмаяпти. Аммо мен клубга ишонаман. Эртагача кутишимиз керак. Ўтган мавсумда ҳам худди шундай бўлган эди. Биз ҳозирча қўлимизда бор нарсага эътиборимизни қаратмоқдамиз, - деди "Барселона" бош мураббийи.

Маълумот учун, 16 август куни Каталония клуби Ла Лиганинг янги мавсумидаги илк ўйинини "Мальорка"га қарши ўтказади.