Флик Кунде келажаги бўйича қарор қабул қилди

«Барселона» ҳимоячи Жюль Кунде билан йўлларни ажратишга ҳозирча шошилмаяпти.

27 ёшли футболчи сўнгги пайтларда «блауграна»нинг асосий таркибидаги ўрнини йўқотди. 

Шу боис айрим манбалар унинг қишки трансфер ойнасёқоқ клубни тарк этиши мумкинлиги ҳақида ёзмоқда. Аммо TEAMtalk нашри маълумотича, каталонияликлар бош мураббийи Ханс-Дитер Флик француз футболчисининг кетишини маъқулламаяпти. Кунденинг ўзи ҳам жамоани тарк этишга ошиқмаётгани ҳақида аввалроқ бир неча манбалар хабар берган эди.

Transfermarkt портали Жюль Кунденинг бозор қийматини 55 миллион евро атрофида баҳолаган. Унга «Челси» клуби жиддий қизиқиш билдирмоқда. Ҳимоячининг «Барселона» билан амалдаги шартномаси 2030 йил ёзига қадар мўлжалланган.