Флик қадрламаган талантни 6 клуб талашяпти

“Барселона”нинг истеъдодли ўйинчиси Пабло Торре ҳарчанд уринмасин Ханс-Дитер Флик бошқараётгани асосий таркибга кира олмади.

Гарчи германиялик мутахассис 22 ёшли ўйинчининг маҳоратини тан олмаган бўлса-да, Европанинг бир неча клублари унга иш таклиф қиляпти.

Манбаларнинг ёзишича, Испаниянинг ўзидан “Севилья”, “Жирона”, “Валенсия”, “Осасуна” Торрени ёзда ўз таркибига қўшиб олмоқчи. Германиянинг “Баёер” ва Португалиянинг “Порту” каби жамоалари эса, Паблони Испаниядан олиб кетмоқчи.

Каталонияликлар бу футболчини 2022 йили “Расинг” клубидан олиб келган эди. Лекин у “Барса”даги ички рақобатга дош бера олмаяпти. Вазиятни тўғри баҳолаган Торре ўзига кўпроқ ўйин амалиёти берадиган клубга ўтмоқчи.