Флик сайёранинг энг яхши футболчиси номини айтди
«Барселона» бош мураббийи Ханси Флик Аргентина терма жамоасини тарк этган Лионель Месси ҳақида фикр билдирди.
Немис мутахассиси 39 ёшли ҳужумчини дунёдаги энг кучли футболчи деб атади ва унинг терма жамоадан кетганидан афсусдалигини таъкидлади.
«У дунёдаги энг яхши футболчи. Ҳақиқатан ҳам ажойиб. Мен Жаҳон чемпионати-2026да унинг ўйинидан жуда завқ олдим – у жуда ёрқин, фантастик ўйнади. Бир томондан, албатта, менга ғамгин, лекин бу ҳаёт, вақт ўтади. Унинг карьераси жуда гўзал бўлди, у энг яхшиси эканини кўрсатди ва буни жаҳон чемпионатида исботлади», – деди Ханс-Дитер Флик.
Эслатиб ўтамиз, Лионель Месси 2005 йилдан буён ўйнаб келаётган Аргентина терма жамоасидаги фаолиятини якунлаганини расман эълон қилди.
Фикрлар