Флик супер камбэкка муносабат билдирди

Ханс-Дитер Флик "Атлетико"га қарши учрашувдаги ғалабадан хурсанд. 

Ла Лига 28-туридан ўрин олган беллашувда "кўк-анорранглилар" 72-дақиқага қадар 0:2 ҳисобида ортда қолиб, якунда ҳисобни 4:2 кўринишига келтирди. 

"Ўйлашимча, биз биринчи таймда яхши ўйнадик. Иккита гол ўтказиб юбориб, бунга ажойиб реакция билдирдик. Биз жанг қилдик ва мухлисларимизга ақлбовар қилмайдиган лаҳзаларни тақдим этдик. Ўзим, клуб ва мухлислар учун жуда хурсандман.

Ферран ажойиб футболчи. Захирадан майдонга тушганлар ишончли ҳаракат қилишмоқда. У яхши машқ қилади ва ажойиб формада. Захирадан ўйинга қўшилган бошқа футболчилар каби майдонда борини берди. Бу бизга керак", - деди "Барса" устози "DAZN" нашрига берган интервьюсида.