Флик "Хетафе"га қарши ўйин олдидан икки йўқотишни тасдиқлади

"Барселона" бош мураббийи Ханс-Дитер Флик "Хетафе"га қарши ўйин олдидан Рафинья ва Марк Берналь жамоага ёрдам бера олмаслигини маълум қилди.

Мураббийнинг айтишича, ҳар икки футболчи ҳали жамоа билан машғулотларга қайтмаган.

"Футболчи тайёр бўлса ва жамоа билан машқ қилса, унга таяниш мумкин. Аммо улар иккаласи ҳам биз билан ҳали шуғуллангани йўқ. Марк Берналь ва Рафинья ўйнай олмайди. Улар ҳолатини кунма-кун кузатяпмиз. Келаси ҳафта вазият анча яхшиланишига умид қиламан", — деди Флик.

Эслатиб ўтамиз, "Хетафе" — "Барселона" учрашуви Ла Лиганинг 32-туридан ўрин олган бўлиб, 25 апрель куни бўлиб ўтади. Каталонияликлар ушбу баҳсга икки муҳим футболчисиз чиқади.