Фликнинг шикоятидан сўнг, “Метрополитано” майсаси ўрилди

14 апрель куни Мадриддаги "Метрополитано" стадионида Чемпионлар лигаси чорак финалида "Атлетико" ва "Барселона" ўртасидаги жавоб ўйини бўлиб ўтади. Душанба куни "Барселона" бош мураббийи Ханси Флик УЕФА вакилларига рақиб майдонидаги майсаларнинг баландлиги ва етарли даражада суғорилмаётганидан норозилигини билдирди.

Испаниялик журналист Хелена Кондиснинг сўзларига кўра, шикоятдан сўнг "Атлетико" майдони "Барселона" машғулотлари тугаши биланоқ қисқартирилган. Ўйин куни қоидаларга риоя қилиш учун майдон майсаси яна қирқилади.

УЕФА кечқурун ўт узунлиги 26 миллиметрдан ошмаслигини таъминлашга ваъда берди, максимал рухсат этилган ўлчам эса 30 миллиметрга тенг. "Атлетико" берилган шикоятни ўйин олдидан босимни кучайтириш усули сифатида баҳоламоқда.

Ўйинда старт ҳуштаги соат 22:00 да чалинади. Биринчи ўйин мадридликлар 2:0 ҳисобида ғалаба қозонишган.