Флорентино Перес 2029 йилгача "Реал"дан кетмайди

Мадриднинг "Реал" клуби президенти Флорентино Перес испан клубини муддатидан олдин тарк этмоқчи эмас. Функционер камида 2029 йилда ваколат муддати тугагунга қадар жамоада қолади. Бу ҳақда COPE хабар бермоқда.

Нашр маълумотига кўра, Перес ўз лойиҳаларини, жумладан, "Бернабеу"нинг якуний реконструкциясини якунламасдан пойтахт клубини тарк этишни истамаяпти. Аввалроқ, матбуотда "қаймоқранглилар" раҳбари келаси йили "Реал"ни тарк этиши ҳақида хабарлар тарқалган эди.

Испаниялик тадбиркор 2000-2006 йилларда "Қироллик клуби" президенти лавозимида ишлаган. 2009 йилда у яна бу лавозимга қайтди. Перес даврида "қаймоқранглилар" 37 та соврин, жумладан, 7 марта Чемпионлар Лигасини қўлга киритган.