Флорентино Перес «Барселона»дан ўч олишга қарор қилди

«Реал» «Барселона»га нисбатан жазо қўлланилишини талаб қилмоқда. Мадрид клуби фикрича, каталонияликлар ҳакaмликка таъсир ўтказишга уринган ва бу ҳолат машҳур «Негрейра иши» доирасида кўриб чиқилмоқда. Яқин кунларда «Реал» ушбу ишга оид ҳужжатларни УЕФАга юборди, бу ҳақда клуб расман маълум қилди.

The Touchline нашри Marcaга таяниб хабар беришича, «Реал» президенти Флорентино Перес «Негрейра иши»дан «Барселона»дан ўч олиш воситаси сифатида фойдаланмоқда. Сабаби – Суперлига лойиҳасини қўллаб-қувватлаш борасидаги ҳамкорлик барбод бўлганидан кейин клублар ўртасидаги муносабатлар кескин совуқлашган.

Можаро аввалида, «Барселона»нинг Негрейрага тўловлари атрофидаги шов-шув бошланганда, Флорентино Перес очиқча ҳкаталонияликларни ҳимоя қилган эди. Бироқ вақт ўтиши билан унинг позицияси бутунлай ўзгарди.

Эслатиб ўтамиз, «Барселона» ва «Реал» Суперлига ғоясини охирги бўлиб тарк этган клублардан эди. Аввалроқ каталонияликлар лойиҳадан чекинишга қарор қилди, мадридликлар эса бу қадамни энг охирида қўйган клуб сифатида қайд этилди.