Флорентино Перес: Мен келганимда "Реал" УЕФА рейтингида 13-ўринда эди

Мадриднинг “Реал” клуби президенти Флорентино Перес “қироллик клуби” бош ассамблеясида сўнгги йилларда қўлга киритилган натижалар ҳақида гапирди.

“Мен 2009 йил “Реал” президентлиги лавозимига қайтганимда жамоа УЕФА рейтингида 13-ўринда эди. Ҳозир эса ҳаммаси ўзгарган. Бу инкор этиб бўлмайдиган ҳақиқат. Биз бундан фахрланишимиз керак”, - дейди Перес.

Эслатиб ўтамиз, Перес даврида “Реал” 4 марта УЕФА Чемпионлар лигаси бош совринини қўлга киритди.