Бокс афсонаси профессионал рингга қайтмоқчи!

Беш вазн тоифасида собиқ жаҳон чемпиони Флойд Мейвезер апрель ойида Майк Тайсон билан кўргазмали жангдан сўнг профессионал боксга қайтишини эълон қилди. 

"Мен ҳали ҳам янги рекордлар ўрнатиш имкониятига эгаман. Тайсон билан бўлажак тўқнашувимдан тортиб, кейинги профессионал жангимгача, ҳеч ким мендан кўра кўпроқ томошабинларни жалб қилолмайди ва каттароқ пул ишлаб тополмайди", – дея Мейвезернинг сўзларини келтирди "Sky Sports" нашри.

Маълумот учун, америкалик боксчи фаолияти давомида ўз даврининг энг кучли рақибларини мағлуб этди. У бокс тарихидаги энг кўп даромад келтирган 3 та жангда - Мэнни Пакьяо, Конор Макгрегор ва Сауль Альварес устидан ғалаба қозонган.