Формула-1. “Астон Мартин” мавсумолди тақдимотларни якунлаб берди

"Астон Мартин" жамоаси Саудия Арабистонида жамоа раҳбари Адриан Ньюининг бевосита иштирокида яратилган жамоанинг биринчи автомобили AMR26 учун 2026-йилги Формула-1 мавсуми учун ливреяни тақдим этиб, мавсумолди тақдимотлар сериясини якунлади.

AMR26 Формула-1 техник регламентларининг янги даврида жамоанинг биринчи автомобили ва эксклюзив "Хонда" куч қурилмаларига эга биринчи автомобили бўлади. Янги болид биринчи марта 11 февраль куни Баҳрайнда тест синовлари учун трассага чиқади.

Формула-1'нинг расмий мавсумолди синовлари Баҳрайнда 11-13 ва 18-20 февраль кунлари, мавсумнинг биринчи Гран-приси эса 6-8 март кунлари Австралияда бўлиб ўтади.