Формула-1 пойгачиси Майами Гран-присида машинасини қандай ўғирлаб кетишганини айтиб берди

Финландиялик машҳур Формула-1 пойгачиси, “Кадиллак” жамоаси аъзоси Валттери Боттас Майами Гран-приси давомида қандай қилиб машинасини ўғирлаб кетишгани ҳақида сўзлаб берди. Ўғрилик содир этилган пайти, пойгачи ижарага олинган уйида бўлган.

“Мен душда эдим, ўша ерда ижарада яшаб турган Пол Харрис менга қўнғироқ қилди. Кейин мен: “Нега қўнғироқ қиляпсан?” дедим. У машина йўқолиб қолганини айтди. Мен бунга ишона олмадим, ташқарига чиқиб қараганимда машина ғойиб бўлганди. Кейин эса машина ичида Гран-прига кириш рухсатномаси қолиб кетгани эсимга тушди. Кейин бу ишга ФҚБ аралашди. Бу ҳақиқий терговга айланди.

Ўғрида ҳамма имкониятлар бор эди, у VIP автотураргоҳга кириши мумкин эди. У Гран-прига кириши ва жамоамизга қўшилиб кетиш имкониятига ҳам эга эди. Балки у машина билан жиноят содир этиб, уни бирон бир ерга ташлаб кетиши мумкин эди”,-деди Боттас Parc Ferme подкастида.

Абдувалиев Азизбек