FR: Superligadagi eng qo‘pol jamoa qaysi?
Superliganing 10-turi ortda qoldi. Hozircha elitada 63ta o‘yin o‘tkazilgan (8-tur bahslari qoldirilgani hisobiga).
Ortda qolgan o‘yinlardan keyin "So‘g‘diyona" chempionatning eng tartibli jamoasi bo‘lib turibdi. Jizzaxlik futbolchilar hakamlar tomonidan 9 o‘yinda 16 bor ogohlantirilishdi (birorta chetlatish yo‘q).
"Qizilqum" esa ayni paytda o‘yin qoidasini eng ko‘p buzayotgan jamoa bo‘lib turibdi. Navoiy klubi vakillariga 20ta sariqdan tashqari, 6 bor qizil kartochka ko‘rsatilgan.
Ifeani Ifeani 2 bor maydondan chetlatilgan ligadagi yagona futbolchi bo‘lib turibdi.
Jasur Jaloliddinov esa eng ko‘p ogohlantirilgan o‘yinchi hisoblanadi (4 marta).
Pozitsiyalar bo‘yicha olib qaralsa, eng ko‘p kartochka yarim himoyachilarga ko‘rsatilyapti — 92 sariq, 13 qizil. Yakkakurashlardan uzoqda bo‘ladigan darvozabonlarimiz esa asosan vaqt cho‘zish oqibatida 11 bor ogohlantirildi.
Futbolchilarni eng ko‘p maydondan chetlatgan referi esa Rahimbek Karimov hisoblanadi — 5 o‘yinda 7 marta.
Fikrlar