Френки де Йонг фаолиятини қаерда давом эттиришни ҳал қилди

Френки де Йонг «Барселона»да қолишни танлади. «Барселона» ярим ҳимоячиси Френки де Йонг ўз келажаги борасида қарор қабул қилди. 

Нидерландия терма жамоаси аъзоси Каталония клубида қолиш истагини билдирган. Маълумотларга кўра, клуб раҳбарияти ҳам футболчини жамоада сақлаб қолиш тарафдори.

Испания оммавий ахборот воситалари ёзишича, «Манчестер Сити» де Йонгни ўз сафига қўшиб олиш имкониятини жиддий кўриб чиққан. Бироқ футболчининг жароҳат олиши англияликлар режасини ўзгартирган ва шундан сўнг «Сити» бошқа номзодларга эътибор қаратган.

Френки де Йонгга қизиқиш билдирган клублар орасида ПСЖ ва «Ювентус» ҳам бор эди.