Frantsiya Ispaniyaga kim tufayli mag‘lub bo‘ldi: Asosiy favorit hech qanday qarshilik ko‘rsata olmadi va mag‘lubiyatga uchradi

Jahon chempionati yarim final bosqichiga qadar eng ko‘p maqtov eshitgan terma jamoa – Fransiya edi. Ko‘pchilik Didye Desham shogirdlarini uchinchi marta ketma-ket jahon chempionati finaliga chiqadi, deb kutgan. Ammo Ispaniyaga qarshi yarim finalda bu jamoa mutlaqo boshqa qiyofada maydonga tushdi va natijada mantiqiy tarzda mag‘lubiyatga uchradi.

Fransiya terma jamoasi yulduzlarga to‘la bo‘lishiga qaramay, bu safar «uch ranglilar»ni biror yetakchi qutqarib qololmadi. 

Eng yuqori baho – 10 ball (o‘yin boshidagi start bahosi – 6,0).

MAYKL OLISE – 3,0. Chempionat oldidan Olise raqiblarni yakkalab yuborishga qodir futbolchi sifatida ta’riflangandi. Ammo, ko‘rinib turibdiki, Ispaniya bu «hamma» qatoriga kirmas ekan. Maykl deyarli hech narsa ko‘rsata olmadi: birorta ham samarali dribling amalga oshirmadi, aksincha, yigirmaga yaqin hujumni yo‘qotishlar bilan barbod qildi. Ikkita muhim pas qayd etilgani bilan, ular ham faqat burchakdan berilgan uzatma va uzoq zarbaga qisqa pasdan iborat bo‘ldi. Olise maydon bo‘ylab «uchib yurgan» futbolchiga o‘xshamadi, natijada Fransiyaning yetakchilarga bo‘lgan kuchli bog‘liqligi yaqqol namoyon bo‘ldi. Liderlar o‘yini yurishmasa, jamoa ham yo‘ldan chiqib ketdi.

KILIAN MBAPPE va USMON DEMBELE – har biriga 3,0. Bu ikki hujumchi ham deyarli bir xil manzarani namoyon etdi. Ular uyg‘onib, o‘yinga kirishguncha yo kech, yo juda kech bo‘lib qoldi. Mbappe maydonda o‘zini faqat ikkinchi bo‘lim o‘rtalaridan eslatdi, ungacha esa 11ta yakkakurashning 9tasida yutqazdi. Keyinroq faollashdi, ko‘proq harakat qildi, ammo samarasiz – shoshma-shosharlik sababli 6ta dribling urinishining 5tasi omadsiz yakunlandi. Har qanday pozitsiyadan zarba berishga to‘g‘ri keldi, ammo birortasi darvoza yo‘lagiga yetmadi. Dembele esa umuman ikkinchi bo‘limga qo‘shilgan daqiqalardagina uyg‘ongandek bo‘ldi. U ikki marta darvoza tomon aniq zarba berdi, ammo faqat nufuz uchun gol izlayotgan bir paytda. Bu vaziyatlarda Unay Simon ishonchli o‘ynadi, o‘z jarima maydonini tashlab chiqqan epizoddagidek xatoga yo‘l qo‘ymadi.

LYUKA DIN’ – 3,0. Fransiya yomon o‘ynadi, sust harakat qildi, kuchsiz ko‘rindi – bu haqiqat. Lekin o‘yin boshqacha yo‘nalish olishi ham mumkin edi, agar Lyuka Din’ birinchi bo‘lim o‘rtasida juda qo‘pol ravishda penalti «sovg‘a» qilmaganida. Kukurelya noaniq ravishda uzatma berdi, Din’ to‘pni bemalol qabul qildi. U boshi yoki ko‘kragi bilan sherigiga pas berib, to‘pni markazga yo‘naltirishi kerak edi, chunki uni bir paytning o‘zida uch nafar ispanialik bosim ostida qoldirishi mumkin edi. Ammo Din’ na bosh bilan ishonchli o‘ynay oldi, na oyog‘ini to‘g‘ri qo‘lladi – natijada Lamin Yamalning son qismiga tepib yubordi. Yamal o‘yin davomida boshqa deyarli hech narsa bilan ajralib turmagan bo‘lsa-da, aynan o‘sha penalti butun uchrashuvning burilish nuqtasiga aylandi.