Фрэнсис Киманзи: Осиё чемпионларига қарши ўйнаш биз учун шараф

Хабарингиз бор эртага Ўзбекистон Олимпия терма жамоаси Андижонда Африка қитъасининг кучли жамоаларидан бири ҳисобланган Кения Олимпия терма жамоаси билан ўртоқлик ўйини ўтказади.

Кеча ушбу юрт вакиллари юртимизга ташриф буюришди ва мухлислар уларна катта тантана билан кутиб олишди. Меҳмонлар бош мураббийи Фрэнсис Киманзи юртимизга ташриф буюрганидан кейин илк таассуротлари билан ўртоқлашди.

“Ўзбекистонга биринчи марта келишимиз. Бу ердаги одамлар меҳрибон ва меҳмондўст экан. Бизни бу қадар катта тантаналар билан кутиб олишларини ҳатто тасаввур ҳам қилмагандик. Албатта, маҳаллий ишқибозларнинг жамоамизга бўлган илиқ муносабатидан жуда хурсандмиз.

Барча инсонларнинг юзида табассум. Ҳамада хурсандчилик, кайфият юқори даражада. Табиийки, бизда ҳам кайфият жуда яхши. Осиё чемпиони бўлган Ўзбекистон терма жамоасига қарши ўйнаш биз учун шараф.

Ўзбекистон ҳамда Кения олимпия терма жамоалари ўртасидаги ўйин аввало халқлар ўртасидаги дўстликнинг ўрнатилишига муҳим туртки бўлади. Бизнинг рақибимиз жуда кучли. Ўзбекистон бежизга Осиё чемпиони бўлгани йўқ. Лекин мана шундай тарих яратган жамоага қарши тўп суриш биз учун жуда қизиқарли ва фойдали бўлишига шубҳа қилайман”.

Эслатиб ўтамиз, Ўзбекистон - Кения баҳси эртага Андижондаги "Соғлом Авлод" ўйингоҳида соат 20:00да бошланади.