Фрэнсис Нганну портлади: "Мерос билан оила боқиб бўлмайди"

Таниқли ММА жангчиси Фрэнсис Нганну UFC дан кетиши билан ўз меросини ерга кўмди, дея ҳисоблаган танқидчиларга жавоб қайтарди.

"Сизга мерос нима эканини айтиб бераман: менинг ҳозирги меросим - бу менинг болаларим, ватанимдаги оилам – улар тиббий ёрдамдан фойдалана олишади, дастурхонлари тўла ва бошпанаси бор. Мана шу энг яхши мерос! Сизда Муҳаммад Алининг тарихий натижалари бўлиши мумкин, аммо фарзандингиз мактабга бора олмаса, унинг жамиятдаги ўрни йўқолади. Агар болангизнинг қорнида овқат бўлмаса, бу мерос сизга ҳеч қандай ёрдам бермайди. Сиз дўконга, ёқилғи қуйиш шохобчасига ёки мактабга келиб, ўқишни мерос билан тўлай олмайсиз. Тушунинг, промоушенлар жангчиларни шу каби сўзлар билан алдайди ва инсонлар ҳам у ерда "мерос учун курашади". Майли, марҳамат. Бу меросни ўзингизга қолдиринг, менга эса лойиқ бўлган пулимни беринг, тамом!" – деди камерунлик.

Эслатиб ўтамиз, Фрэнсис Нганну 17 май куни "Most Valuable Promotions" лигасининг илк турнирида Филипе Линсга қарши жанг қилади.