Furkad uchun mavsum yakunlandi

Biatlon bo‘yicha 5 karra olimpiada chempioni frantsiyalik Marten Furkad uchun mavsum yakunlandi. Frantsiya chang‘i sporti turlarining ijtimoiy tarmoqdasi sahifasida ma’lum qilinishicha, biatlonchi Xolmenkollenda o‘tadigan jahon kubogining so‘nggi bosqichida startga chiqmaydi. 

Marten ayni vaqtda jamoadoshlari qatori Norvegiyaga yo‘l olgan, biroq poygalar vaqtida murabbiylar bilan yozgi mashg‘ulotlar va joriy mavsumda yo‘l qo‘yilgan xatolar ustida bosh qotiradi. Jahon kubogining so‘nggi bosqich poygalari 21-24 mart kunlari Norvegiyaning Xolmenkollen shahrida bo‘lib o‘tadi.