Футбол афсонаси Тотти энди баскетболчиларга маслаҳатчи бўлди

«Рома» жамоасининг собиқ капитани Франческо Тотти кутилмаганда баскетбол оламига қадам қўйди. У июнь ойида америкалик тадбиркор Пол Матиашич томонидан ташкил этилган янги баскетбол клуби – «Максима Рома» лойиҳасига кўмак беришга рози бўлди. Ҳозирча Тотти клуб раҳбариятига маслаҳатчи сифатида ёрдам беради, шунингдек, мухлислар базасини кенгайтириш ва фанатлар ҳаракатини ривожлантириш билан шуғулланади.

Қизиғи шундаки, лойиҳа доирасида у билан бирга Чиро Иммобиле ҳам ишлаши мумкин. Ҳар ҳолда, derbyderbyderby.it нашри ёзишича, у ҳам шу муносабат билан жамоа раҳбарияти тайёрлаган видеороликда кўринган.

Эслатиб ўтамиз, Франческо Тотти 2017 йилда профессионал футболчи сифатида фаолиятини якунлаган эди.