Футбол қироли Пеле тахтини Мессига топширишга тайёр

Бир жамоа учун энг кўп гол урган Пеле бу кўрсаткич бўйича ўзига етиб олган Лионель Мессини табриклади.

Пеле 1956-1974 йиллар давомида “Сантос” учун ўйнаб, рақиблар дарвозасига 643 та тўп киритган. “Барселона” етакчиси Лионель Мессининг голлари сони ҳам шунча бўлди ва яқин орада Пеледан ўзиб кетади.

- Қалбингда муҳаббат бўлса, ўз йўлингни ўзгартириш қийин бўлади. Сен каби мен ҳам, ҳар куни бир хил футболка кийиш қандай эканини яхши биламан. Ўзингни ўз уйингдек ҳис қиладиган жойдан яхшиси йўқ. Сени тарихий натижа билан табриклайман. Бизга ўхшаб, бир клубга содиқ қоладиганлар бундан кейин тарихда деярли учрамайди. Сен билан фахрланаман, Лео, - деди Пеле.