Футболчилар Арбелоа “Реал” даражасидаги мураббий экани ишонмади

Жорий мавсумда нуфузли совринлар учун курашда муваффақиятсизликка учраган “Реал” клуби раҳбарияти жамоани бошқаришга футболчиларда таассурот қолдира оладиган янги мураббий изламоқда.

Маълум қилинишича, клуб хорижлик мутахассис номзодини кўриб чиқмоқда.

Манбага кўра, жамоа футболчилари Хаби Алонсо раҳбарлиги даврида ўзларини зериккан ҳолда ҳис қилган.

Шу билан бирга, улар ҳозирги бош мураббий Альваро Арбелоа клуб даражасига мос эмас, деб ҳисобламоқда.

Футболчилар испаниялик мутахассисни ҳеч қачон юқори даражадаги мураббий сифатида қабул қилмаган.

Бундан ташқари, “Қироллик клуби” Испания ичида жамоани бошқаришга муносиб бирорта номзод кўрмаяпти.

Арбелоа жамоани январь ойидан буён бошқариб келмоқда. Бироқ у ҳам жамоада сезиларли ўзгаришлар қила олгани йўқ ва курсиси “қимирлаб” турибди.