Футболдаги энг яхши 50 нафар ёш иқтидор эгаси эълон қилинди

Машҳур Goal.com нашри ҳар йили эълон қиладиган NXGN рейтингининг 2026 йилги талқини тақдим этилди. Ушбу рўйхатда 2007 йил 1 январидан кейин туғилган энг иқтидорли футболчилар жамланган бўлиб, улар келажакда жаҳон футболининг асосий юлдузларига айланиши кутилмоқда. NXGN — инглизча “Next Generation” (кейинги авлод) сўзининг қисқартмаси. Бу рейтинг келажак юлдузлари рўйхати ҳисобланади.

Бу йилги рўйхатда 21 та миллат вакиллари ва 17 та давлат клубларидан ёш футболчилар ўрин олди. Улар орасида аллақачон миллий жамоаларда дебют қилганлар, соврин ютганлар ва Европанинг топ-лигаларида ўзини кўрсата бошлаганлар бор.

Энг эътибор марказидаги ёшлар

Рўйхатнинг юқори қисмида қуйидаги иқтидорлар ажралиб турибди:

Ламин Ямал ("Барселона");

Пау Кубарси ("Барселона");

Эстеван Виллиан ("Челси");

Франко Мастантуоно ("Реал Мадрид");

Итан Нванери ("Арсенал");

Ушбу футболчилар аллақачон ўз клубларида асосий таркибга яқинлашиб, катта саҳнада ўзларини кўрсатишмоқда.

Рейтингнинг пастки поғоналаридан юқорига интилаётганлар

50-ўриндан бошлаб қуйидаги ёшлар ҳам катта эътибор қозонди:

50-ўрин: Жей-Жей Габриэл ("Манчестер Юнайтед") – “кичик Месси” лақаби билан машҳур 15 ёшли ҳужумчи.

49-ўрин: Жоау Симоэш ("Спортинг") – Португалия ёшлар терма жамоаси сардори.

48-ўрин: Анисиу Кабрал ("Бенфикa") – мураббийлар томонидан Дидье Дрогбага қиёсланмоқда.

47-ўрин: Жоан Мартинес ("Реал Мадрид") – бўлажак топ-марказий ҳимоячи.

46-ўрин: Жереми Монга ("Лестер Сити") – рекордлар янгилаётган ёш вингер.

Ер шари бўйлаб сочилган юлдузлар

Рўйхат фақат европалик футболчилар билан чекланиб қолмаган. Масалан:

Дастан Сатпаев ("Қайрат"/"Челси") – Қозоғистоннинг энг катта умиди.

Каван Салливан ("Филадельфия Юнион") – АҚШ футболининг янги феномени.

Иан Субиабре ("Ривер Плейт") – Аргентина академияси маҳсули.

NXGN 2026  жаҳон футболида янги авлод ўсиб келаётганини исботи. Аввалги йилларда бу рўйхатдан жой олган Жуд Беллингем, Родриго Гоэс ва Жанлуижи Доннарумма каби футболчилар бугун суперюлдузга айланган.

Энди навбат - янги номларда. Балки яқин йилларда айнан шу рўйхатдаги футболчилар жаҳон саҳнасини забт этади.

Қобулов Наврўз