Футболдан 5 йилга четлатилган Кахи Махарадзе Грузия клуби билан шартнома имзолади!

Ўтган мавсум шов-шувларга сабаб бўлган "Локомотив" собиқ футболчиси Кахи Махарадзе 5 йилга футбол билан боғлиқ фаолиятнинг барча турларидан четлатилганди. SPORTS.uz сайти журналисти Шоҳрух Зоировга маълум бўлишича, ярим ҳимоячи Грузия қуйи дивизони вакили "Гонио" жамоаси билан шартнома имзолаган. 

Кахи эркин агент сифатида клуб билан келишувга эришган. Аммо шартнома қачонгача амал қилиши ҳозирча номаълум. 

Эслатиб ўтамиз, Махарадзени тотализатор ҳамда келишилган ўйинларда иштирок этгани бўйича хабарлар тарқалганди. Шундан сўнг ЎФА Этика қўмитаси футболчини футбол билан боғлиқ фаолиятнинг барча турларидан 5 йил муддатга четлатилиб, юз миллион сўм миқдорида жарима жазоси тайинланишини маълум қилганди.