Футзал. Евро-2026 нинг ғолиб ва совриндорлари маълум
Учрашув якунланди.
Латвия, Литва ҳамда Словенияда бўлиб ўтган футзал бўйича Европа чемпионати баҳслари ўз якунига етди. Бугун турнирнинг финал ва бронза медали учун учрашувлар бўлиб ўтди.
Дастлаб, 3-ўрин учун бўлиб ўтган баҳсда Хорватия ва Франция терма жамоалари куч синашди. Учрашувнинг асосий ва қўшимча бўлимларида ғолиб номи аниқланмади 5:5. Пенальтилар сериясида эса хорватлар 6:5 ҳисобида ғалаба қозониб, бронза медалларини қўлга киритди. 
Тунда эса чемпионлик учун Португалия ва Испания футзалчилари паркетга чиқди. Ушбу баҳс ҳам тенг курашлар остида ўтди. Биринчи бўлимни испанлар 3:2 ҳисобидаги устунлик билан якунлади. Иккинчи бўлимда эса португаллар мувозанатни тиклади 3:3. Бироқ 35-дақиқада яна Испания гол уриб ҳисобда олдинга чиқиб олди. Сўнги сонияларда эса испанлар 2 та гол уриб, ўйинга нуқта қўйди 6:3. Ўйин якунигача ҳисоб бошқа ўзгармади ва Испания Европа чемпионлигини қўлга киритди.
Изоҳлар (0)