Футзал. Ўзбекистон кубогида финалчилар номи маълум бўлди

Футзал бўйича Ўзбекистон кубоги ярим финал босқичи якунига етди. Дастлабки ярим финалда "Пахтакор" ва "Локомотив" жамоалари ўзаро куч синашди. Асосий вақтда 4:4 ҳисоби қайд этилди. Пенальтилар сериясида омад "шерлар"га кулиб боқди - 6:5.

Иккинчи ярим финал баҳсида "Жиззах Кентекс" ҳамда БМБ клублари финал учун кураш олиб борди. Унда номинал мезбонлар йирик 7:1 ҳисобида рақибдан устун келди.

Шу тариқа, "Жиззах Кентекс" жамоаси финал йўлланмасини қўлга киритди. Кубок учун баҳс "Пахтакор" ва "Жиззах Кентекс" жамоалари ўртасида бўлиб ўтади.