Гюлер «Реал»да Моуриньо билан ишлаш бўйича илк таассуротлари билан ўртоқлашди

Мадриднинг «Реал» жамоаси ярим ҳимоячиси Арда Гюлер жамоа бош мураббийи Жозе Моуринью қўл остидаги иш бошланишидан икки ҳафта ўтиб, унинг машғулотлари ҳақида фикр билдирди.
 

«Мен учун Моуриньо каби афсона билан бирга ишлаш — жуда катта имконият. У ва унинг мураббийлар штаби ҳар бир жиҳатни жуда аниқ тушунтиради. Майдон ташқарисида ҳам улар самимий ва очиққўл инсонлар.
 

Ҳозирги даврда энг асосийси — жисмоний тайёргарликни юқори даражага олиб чиқиш. Лекин шу билан бирга Моуринью нима талаб қилаётганини тинглаш, ўрганиш ҳам жуда муҳим. Шундагина биз майдонда кутилган натижани кўрсата оламиз», — дея Гюлернинг сўзларини келтиради Sport.es нашри.

Эслатиб ўтамиз, «Реал» 11 июнь куни португалиялик мутахассисни жамоа бош мураббийи этиб тайинланганини эълон қилган эди. Моуринью 2010–2013 йилларда ҳам мадридликлар бошқарувида ишлаган. Унинг қўл остида «қироллик клуби» Испания чемпионати, Кубоги ва Суперкубогини қўлга киритган.