ҒАЛАБА! Ўзбекистон Японияни ишончли ҳисобда мағлуб этиб, финалга чиқди. Жалолиддиновдан супер гол! (видео)

23 ёшгача бўлган футболчилар ўртасидаги Осиё Кубогининг иккинчи ярим финали якунига етди. Унда Ўзбекистон Олимпия терма жамоаси япониялик тенгқурларини 2:0 ҳисобида мағлуб этди.

Дастлаб, вакилларимиз Жасур Жалолиддиновнинг 60-дақиқада киритган супер голи эвазига ҳисобни очди. Жалолиддинов жарима майдони ташқарисидан тўпни Зион Сузуки дарвозасига "михлаб қўйди". Иккинчи тайм сўнгида Ҳусаин Норчаев бирга-бир вазиятдан унумли фойдаланиб, фарқни иккитага етказди.

Шу тариқа, олимпиячиларимиз финал йўлланмасини қўлга киритди. Энди ҳал қилувчи баҳсда Кападзе шогирдларига Саудия Арабистони рақиблик қилади.